Manna De, Saadat Khan, Rafi Lyrics
"Abhigyaan Shaakuntal"

/ 5
0 reviewers
Do you like this song?
(click stars to rate)
save!
my lyricsbox
pranay virah aur milan ki katha suno saathi
abhigyaan shaakuntal sundar abhinay kala ???

sakhi hriday mein halachal kyon hone lagi
meri akhiyaan do chanchal kyon hone lagi
gaya bachapan ka raat din aaya vo aaj
tan kumhalaaye ab singaar se
paanv dabate hain yauvan ke bhaar se
koi kaanon mein gun gun gun gaane laga
dekho bhanvara bhi hamako sataane laga
dank maare kyon jor
mat kar itana shor
koi aayega teri pukaar se
paanv dabate hain yauvan ke bhaar se

kanv suta priy shakuntala nahin aanchal saki sambhaal
ruup dekh dushhyant ka haay hui behaal

ye tapasvini vo raaja phir bhi anhoni ho gayi
puurn yauvana pratham milan ki pratham drishhti mein kho gayi
raaja ne bhi ghar aur jag ki zara na ki parvaah
shakuntala ke sang kiya ban mein gandharv vivaah
kar vivaah de kar vachan
nrip ne kiya prasthaan
kintu shaapvashh bhuul gaye vo shakuntala ka dhyaan

bhuul gaye kyon de ke vachan
tan ko jalaaye biraha agan
ya chale aao, ya mujhako bulaao
darshan bin akulaaye nayan
bhuul gaye kyon de ke vachan
bhuul gaye bhuul gaye bhuul gaye
bhuul gaye kyon bhuul gaye

biraha taap se byaakul birahan
sah na saki judaayi
priyanvada ne maan ke god mein ye katha sunaayi
maan ki mamata bhari, do akhiyaan karuna se bhar aayin
pita kanv laadali shakun ko dete aaj bidaai

rone lagi aashram ke sakhiyaan saheli
rone lagi bagiya ki saathi chameli
hirana bhi roy jis ke sang zara kheli
chhod hamein aaj kahaan chali ho akeli

nayanon mein ullaas tha man mein milan ki aas
maan ke sang shakuntala pahunchi piya ke paas

badal gaye dushhyant nr^ip vidhi ka ajab vidhaan
durvaasa ke shaap vash sake nahin pahachaan

kaun ho kahaan se aa rahi ajaan naar tum
kya bataayuun jab bhulaate ho hamaara pyaar tum
pyaar kaisa pyaar? pyaar kaisa pyaar
jhuuthh bolati zabaan tum
dekh lo diya hua anguuthi ka nishaan tum
main na jaanata tumhein ye kaisa naari vansh hai
mere garbh mein tumhaare vansh hi ka ansh hai

ja apane ghar sundari khadi yahaan kyon maun
ja kalankini piya nahin to ham bhi tumhaare kaun

tuut pada aakaash, phata dharitri maan
mujhe sambhaalo god mein
piya hue agyaan