Galaleo feat. Amir Eid Lyrics
"Wahda Fada'Ya"

هخلع من كوكبنا اللطيف وهطلع ع المريخ
هبدا ثاني على نظيف ريستارت يا تاريخ
زهقت من البني أدمين مش قادر حوارات
رحت الحرفين وعملت سفينة فضاء
هاخذ الناس اللذيذة سوى، سوى نتخبط
نتحرك من الجيزة الرحلة وان واي تكت
هننسى كل اللي فات وبدوسة نعمل سكيب
الوضع هنا مش ظريف وكله في باد ترب

هحب واحدة فضائية
عينيها واسعة وراسها دوارية
زهقت أنا من الكورة الأرضية
قصص الحب كلها هي، هي

هعمل حفل إفتتاح بتاريخ واحد، واحد
والدخول للكل متاح كلنا هنبقى واحد
مفيش وقوف ع الباب مفيش طبقات
هنسمع عمر دياب وهنسمع مهرجانات
وعادي ولاد الذوات هيحبوا الحرافيش
مفيش بينا خلافات كلنا سوى هنعيش
مفيش عقد نفسية مفيش ناس غنية
مفيش ناس فقيرة رحلة جديدة للبشرية

وأحب واحدة فضائية
عينيها واسعة وراسها دوارية
زهقت أنا من الكورة الأرضية
قصص الحب كلها هي، هي